非典型文員

好多人問我適不適應我份新工。多謝各位關心！

大家都知道，我又轉了行，生物科技上的知識已經離我很遠。其實，明天如何，依家仲未知。你又點知，神可能有一日要我“回歸”老本行呢？

雖然身處北美，不過由於係大陸公司，呢份工竟然比我響香港份工感覺更“香港”，真係過癮。我受聘為行政助理，即係文員。

在我心目中，一個“典型”文員即係通常都只會按本子辦事，老闆叫他做A就做A, 不能做B既那一種，最好避免偏離老闆既心意。但係我覺得響呢度做嘢好多時都會幾“非典型”！例如：有時需要於老闆沒有特別吩咐既時候，按他既心意做一啲判斷，當然係之後要向他交待那一種啦！甘樣，就一定要睇你同你既老闆有幾了解、同他熟唔熟啦。了解多啲、熟啲既話，猜中他心意既機會都大啲、老闆都會鍾意你多啲。呢個我覺得就是我份工過癮既地方，我既挑戰。

當我們要做出人生大大小小既抉擇時，好自然會搵我們於人生呢個層面既老闆 - 天父上帝傾傾，睇睇下一步點樣走。但係，做基督徒也並非時時刻刻都能聽到上帝既吩咐、神既指引。甘樣，就一定要睇你平時有沒有同你呢個老闆建立一個好關係啦。了解祂多啲、熟啲多啲祂既話語，猜中祂心意既機會亦會大啲、更能蒙他喜悅。呢個......係你每天的挑戰嗎？

呀......唔知道老闆聽日既心意係點呢？